KUMPAS

Sa iyong paglipad, bawat pagpagaspas, at sa bawat kong pagkumpas. Tuwang-tuwa ka kita sa iyong mga kulay ang saya. Di ka napapagod na magbigay ng ligaya sa akin kahit na alam kong ika'y napapagod din. Sa dilim ang kulay mo'y nagbibigay liwanag sa aking paningin. Nung bata ako lagi kitang hinahabol pag nakikita na kita tapos huhuluhin ilalagay sa isang garapong malaki at palalakihin subalit napapansin ko rin tulad ko, nalulungkot ka rin wari ko dahil sa hindi mo nakakapiling ang mga kagaya mong may pakpak na makukulay rin. Kung kaya't sa huli nauuwi rin ako sa pagpapalaya sa iyo.

Totoo na kahit mahal mo na pero di masaya sa iyo kelangan din pakawalan. Mahirap ang magmahal ng sobra nakakasakal tuloy lalo ka lang mawawalan. Tulad mo dahil pinakawalan kita at naging malaya ka na nakasama mo na yung mga mahal sa buhay. Alam ko naman masaya ka jan, pero nitong lumalaki na ko bihira na kitang makita maliban na lang kung sasadyain kita sa lugar kung san may mga nagaalaga sa tulad mo, yun nga lang nalulungkot kasi binebenta ka na nila eh...

Pero alam ko sa ibang lugar na pinuntahan mo makakatagpo ka pa ulit ng ibang magmamahal sa iyo. Mag-iingat ka lang ha, para di ka na muli pang masaktan tulad ng ginawa ko sa iyo dati.
Sa susunod pag nagkita tayo sasabayan ko narin ng saya at tuwa ang bawat pagkumpas at pagpagaspas mo....